November 17, 2012

لأ......

لأ.. مش حاضحك على نفسي بإسم تقبل الآخر..

لأ.. مش حاساوم في مبادئي عشان الزفت رأي الأغلبية..

لأ.. مش حاقبل دستور زبالة عشان دي ناس منتخبة من الشعب..


لأ.. مش حادي مرسي فرصة وأطبب عشان هو أحسن من الكلب مبارك.. ماعملناش ثورة عشان نحسن من أداء مبارك..

لأ.. مش حاقبل وجهة نظر عزة الجرف عشان فى ستات فى مصر كتير زيها.. أرائها إقصائية وعنصرية..

لأ.. مش حاقبل خدعة الشريعة عشان ماضايقش حد.. أم الشريعة بتاعتكوا..

أيوه.. يلعن أبو المادة التانية.. مادة عنصرية وفاشية..

لأ.. الإخوان غلط.. مبادئهم غلط.. وأساسهم غلط.. وفكرهم غلط.. ومش حاقبل دولة دينية عشان الأمور تمشي..

أيوه.. نص الستات إللى أعرفها برقبة أى شيخ من الزبالة بتوعكوا..

لأ.. مش حاخد الأفكار الكويسة من وسط كلام نازيين زي الجماعة الإسلامية.. لأنهم زبالة..
 
لأ.. الفلسطينين مش أهم من المصريين.. ولو فى سبعة مليون سجين فى غزة فى أربعين مليون سجناء الفقر فى بلدي..

لأ.. الإخوان مش رفقاء ميدان.. لأنهم نزلوا عشان نفسهم مش عشان البلد..

لأ.. مش حاضحك على نفسي.. إحنا شعوب جاهلة وماعندناش إنجازات..ومش حازيط بإسم تعريص القومية العربية..

لأ.. النظام مش محتاج إصلاح.. النظام محتاج يتنسف من جدوره.. وإللى عايز يصلحه يغور فى داهية..
 
أيوه.. الإخوان هما الحزب الوطني.. بس الحزب الوطني كان غبي وهما أغبى..

لأ.. لا تعنيني الحرية لو إللى بيتكلم بإسمها عنصري وفاشي..

لأ.. الديمقراطية مش صندوق إنتخابات ولو رأيك كده تبقى حمار..

أيوه.. يلعن أبو الأحزاب الدينية وأى واحد يتكلم بإسم الدين فى السياسة..

أيوه.. الفاشي يتقال له فاشي فى وشه..

لأ.. مش فارق معايا دم الشهداء لو ما فرقش معاك دم إللى بيموتوا كل يوم فى المستشفيات وعلى الطرق..

لأ.. مش بأكره أمريكا ومش حا ألومها على فشلنا.. 
 
أيوه.. يلعن أبو الصلاة والدين لو إنت رئيس جمهورية فاشل إنت وإللى معاك..

لأ.. الديمقراطية مش إني أحترم رأيك..

أيوه.. الديمقراطية إنك من حقك تقول رأيك ومن حقي إن رأيي يبقى إن رأيك زبالة..وإن إنت زبالة.. وحمار.. وجاهل.. وخورونج..

لأ.. مش عايز أحارب زفت إسرائيل ومش ناوي أساند أفاقين زي حماس عشان بأكره الصهاينة..

لأ.. أبوالفتوح مش معتدل وأخلاقه هى أخلاق الإخوان..

أيوه.. الأحزاب الليبرالية زبالة وماعندهمش أى فكر.. الجيل ده كله عايز يتحرق بجاز..ليبراليين على إخوان على سلفيين على قسس وشيوخ..

أيوه.. أى حد أكل عشيه من الدين أفاق وحرامي ونصاب..

لأ.. اللى ماتوا مش غلابة.. إللى عايشين هما الغلابة..

2 comments:

  1. يا كريم..
    كل كلمة تنقط صدق وألم
    عبرت صمت مؤلم..
    ومزايدة أكثر ايلاما..

    @Esmat__

    ReplyDelete